Ano nga ba ang mas magandang gamitin sa tatlo?
Anong mas mura? Available ba sa lahat ng tindahan?
Anong mas komportable at ano ang dahilan ng rashes?
Masasagot na rin ang mga tanong na iyan sa blog na ‘to. Sa buong buhay ko, tatlo pa lang ang nagamit ko sa tuwing dadatnan ako ng period; napkin, pasador at menstrual cup. Sa ngayon, hiyang na ako sa menstrual cup kasi after 7 menstrual cycles, namaster ko rin ang pag gamit nito na di ako tinatagusan. Mas madali gamitin ang sa napkin at pasador kasi ididikit o ipapatong lang yan sa underwear, pero ang cup kailangan pang aralin ang paglagay at dapat alamin bagay para sa iyo (marami pang kailangang isaalang alang bago bumili). Marami pa akong blog post tungkol dito, pero sa ngayon ikukumpara ko muna kung ano ano ang pinagkaiba ng tatlo base sa experience ko.
menstrual pad
aka napkin or sanitary pads
- Disposable
- Tatanggalin na lang at may itatapon pang “basura”
- Dahilan ng rashes
- Pwede suotin kahit nasa public places
- High maintenance; kailangan bumili palagi
- Pinapaltan every 4 hrs o kung puno na
- May posibilidad na matagusan habang tulog
- Ang awkward o hirap sa pag galaw galaw o humalakhak dahil ramdam ang pagtulo ng dugo
- Bad for environment kasi isang gamit tapon agad at di agad agad nabubulok
- Madaling gamitin; ididikit lang sa underwear secured na.
- Kahit saan available ito at mura pa.
cloth menstrual pad
aka pasador
- Reusable (eco friendly)
- May lalabhan palagi
- No side effects
- Hindi pwede suotin sa ppublic places kasi may “amoy”
- Low maintenance; pwedeng DIY o isang bilihan lang ng set
- Pinapaltan o lalabhan uli kapag puno na o may tagos na
- May posibilidad na matagusan habang tulog
- Ang awkward o hirap sa pag galaw galaw o humalakhak dahil ramdam ang pagtulo ng dugo
- Lalabhan lang, magagamit uli.
- Madali lang isuot o gamitin.
- Mahal kung bibilhin pero pwede ring mag DIY.
menstrual cup
- Reusable (eco friendly)
- Itatapon na lang ang dugo
- No side effects
- Pwede suotPwede suotin kahit nasa public places
- Low maintenance; isang bilihan lang para sa pang matagalan na gamit
- Tinatapon ang dugo o lilinisin kapag puno o may tagos na pero kayang tumagal sa vagina in 12 hrs (lalo na kung tulog, di talaga tinatagusan)
- Kayang kaya magbike o magworkout kahit may period kasi di ramdam na may tumutulo down there.
- Itatapon lang ang dugo at lilinisan lang, pwede uli gamitin.
- It takes more time para mamaster ang paginsert at pagremove sa vagina.
- Maraming aaralin at aalamin bago bumili ng sakto para sa sarili.
- Mahal at di ito available sa kahit saang tindahan. Kailangan munang magresearch bago gumamit.
Alam mo ba?
Walang amoy o di mabaho talaga ang dugo natin! Napansin ko yun nung gumagamit na ako ng cup walang amoy ang regla ko! Di mabaho o di rin mabango lalong di malansa! Kasi siguro pure liquid pa tsaka walang halong “pabango” unlike sa sanitary pads tapos diba amoy kalawang din kapag nasa tela na ng ilang oras?
Pagkatapos ng ilang araw o after period, sa cup na maiiwan ang amoy pero mawawala din yan bago magamit uli (proper cleaning lang sapat na).
Kung may nakalimutan pa ‘ko, comment down below!
